Transcription
1
Sire, en ensuivant le commandement quil a pleu à votre majesté me faire par la sienne
2
du XVe de luy faire scavoir en quelle sorte je faiz pratiquer limpoz quelle a eu
3pour agreable, jaye mys sur le sel pour [barré : pour la solde et entretenement des ] en partie soldoyer et entretenir les gens de
4
guerre quil ma fallu mectre sus pour votre service en ce pays, je vous diray, sire,
5
que veoyant la necessité dicelluy pays et quil ne pourroit satisfaire à telle despence,
6
je nay sceu trouver meilleur expedient ne moyen plus doulx et gracieulx pour le
7
soulagement dicellui pays que dimposer dix solz sur chacune emine de sel qui
8
se vendra et que je faiz lever sellon la vente et debitement qui sen faict; et
9
de scavoir dire à combien il pourroyt revenir et quon pourroyt tirer dudit
10impost, on ne [barré : le ] scauroyt, si non en tant que la verité sen faict, tantost plus
11
ou moings ; bien est vray quil ne semble pas que voz subiectz en portent
12
grand foulle ne sen repentent, attendu que tous estatz y sont comprins,
13
avec ce quil ny a en cella aucun interest ou diminution de voz droictz ordinaires ;
14si est ce que je me doubte bien que ceulx de Savoye [barré : vous en pourront ] pour leur
15
particulier, vous en pourront faire plaincte, et, desjà, levesque de Syon men
16
avoyt escrit en faveur de ceulx du canton de Wallay ausquelz, en consideration
17
des privillèges quil a pleu à votre majesté leur accorder, jay permys de continuer la
18
traicte et transport du sel quilz ont accoustumé enlever de ce pays franche dudit
19
impoz, par provision toutesfoys et sans prejudice de linstance qui est pource
20
pendente en votre conseil dentre eulx et le procureur des estatz de cedit pays.
21
Je ne fauldray, sire, de faire ce quil vous plaist me commander pour le
22
regard du sieur de St Romain // [marge gauche : // du quel et du sieur de Cheylar jey receu lettres, des queles vous envoye la coppie] ; et quant au gouverneur d'Orenge, je luy feit tenir votre lettre ;
23
et au reste, entendrey au debvoir de ma charge, de façon que jespère votre majesté
24
en recevra tant plus de contantement ; aussi la veulx-je bien supplier très humblement,
25
oultre ce que jay faict par ma dernière despeche, me vouloir accorder les
26
compagnies de messieurs de Suze et de Maugiron pour mayder à favoriser ceste
27prochaine recolte qie sera dautant vaincre lennemy et [barré : favoriser ] soulager voz
28
bons subiectz pour la necessité où ilz en sont, ne pouvant autrement le faire
29
[100 v°] pour navoir autre cavallerie que ma seulle compagnie, que je vous supplie de mesmes, sire,
30
de mectre au rancq des autres qui sont en Languedoc et ordonner pareil payement, attendu
31
le temps quelle nen a eu aucun et quelle a esté comme encores est en service.